الموقع الرسمي للأسد نور صبري

اهلا وسهلا بكم في الموقع الرسمي للأسد نور صبري معلومات عن الاسد نور صبري والكرة العراقية اقسام خاصة فنية وفديوهات اقسام عامة كل ماتحبون ستجدونه موجود
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخولمركز تحميل الملفات

شاطر | 
 

 كلمات ألبوم واحشني موت

اذهب الى الأسفل 
كاتب الموضوعرسالة
grazynoor
عضو جديد
avatar

عدد الرسائل : 18
العمر : 29
تاريخ التسجيل : 29/10/2007

مُساهمةموضوع: كلمات ألبوم واحشني موت   الإثنين 12 نوفمبر 2007, 4:50 am

كلمات ألبوم واحشني موت
(أتوسل بيك)
الله لا يحرمني منك ولا يحرمني من عيونك
أكذب لو أقول أبعد عنك ما أصبر لحظة من دونك
خلني أشبع من أحضانك خلي يذوب بيه حنانك
حب الدنيا شويه عليك
أتوسل بيك الله يخليك
تبعد عني حرام عليك
تصدق لما أشوفك يمي ما أتمنى ترمش عيني
حبك صاير يجري بدمي بس حضنك إنته يدفيني
محتاج أتنفس أنفاسك محتاج لحبك وإحساسك
حب الدنيا شويه عليك
أتوسل بيك الله يخليك
تبعد عني حرام عليك
الله على حنية قلبك على صدرك أغفى تخليني
أتمنى أعيش أني بقربك وخايف عمري ما يكفيني
من أحلم بس بيك أحلامي عايش وياك أحلى أيامي
حب الدنيا شويه عليك
أتوسل بيك الله يخليك
تبعد عني حرام عليك
.................................................. ........................
(أني خايـف)
أني خايـف لـو أجـيـــك
قلبي مني يطيـر ويسلـم عليك
هذا مو شوقي اللي بيه
أني بيه النار أضعف اللي بيك
أني خايـف لـو أجـيـــك
وأوصل لأرضك وأغرقك بالدموع
إحســـاســي تـــــــدري
أبــد ما يحتمــل لحظـات الرجـوع
قــالــوا إنتــه تغـيــرت
ولغير ناس إنته صرت
وأنـا أبــد ما صـدقـــت
حتـى لـو متغيـر أدري مو بإيديـك
كل شيء ممكن إلا إنته
أنسـى حنينـك مستحيـل
لـو ذكرتك قلبـي يرجف
مـثـل سـعـفـات النخيــل
.................................................. ........................
(قوة قوة)
قوة قوة جبرونا نتفارق قوة قوة
وأنا وياها من المحبة صرنا إلهم أحلى غنوة
أنـــا بديـرة .. وهيا بديـرة
قلبي بحيرة .. وهيا بحيرة
كنت أحبها وهي تحبني والعشق لايق علينـا
كانـت تسمينـي حبيبـي وأنا أسميهـا الحنينـه
واللي جبرونا نتفارق وياهم إحنا إيش جنينا
أنـــا بديـرة .. وهيا بديـرة
قلبي بحيرة .. وهيا بحيرة
سدينا أنا وياها نتحضر عالزواج إحنا نوينـا
تـالي جتنـا غيمه سودة ضيعـت كـل أمـانينـا
واللي جبرونا نتفارق وياهم إحنا إيش جنينا
قوة قوة جبرونا نتفارق قوة قوة
وأنا وياها من المحبة صرنا إلهم أحلى غنوة
أنـــا بديـرة .. وهيا بديـرة
قلبي بحيرة .. وهيا بحيرة
.................................................. ........................
(خــلاص)
مو قلـنـا خلاص
مو كافي خلاص
مو قلـنـا خلاص وهاي هيه
ما أريـدك تجـي تسـأل عليه
حبيب الروح قلبك بين إيديك
بعت الناس كل ظني أشتريك
مو قلـنـا خلاص وكافي تـلــوم
منك ما شفت بس قهر وهموم
مو قلـنـا خلاص إبتعـــــــد عـني
حرقت أعصابي واك شتريد مني
.................................................. ........................
(شكيت بيك)
أحيـان يصيب الهـوى لكـن يخيـب أحيـان
وإن شك حبيبي صعب ظليت أني سهران
معلقني بين السماء والأرض واك حيران
لانـــي واصــــل إلك لا واقــع وخلصـــان
شكيت بيك وعندي أكثر من دليل
قلتلك خنتني وقلت إنته مستحيـل
وشلون أكذب عيوني وعيوني ما يخونوني
الغيـرة هدتنـي والليـل الطـويـل .. آه يا ليـل
شكيت بيك مـن صـرت تتغـيـــر
متعمد تخليلي عيـونـي تسهـــر
والله حرت وياك وشلون أصبر
وشلون أكذب عيوني وعيوني ما يخونوني
الغيـرة هدتنـي والليـل الطـويـل .. آه يا ليـل
.................................................. ........................
(غاب القمر)
غاب القمر وثريته كـل من نــام ويا مريتـه
وأنا اللي مقــابـل عمي بلكن ينطيني بنيتـه
والله لأكسـر سجنها وبإثنين إيديه أحضنها
روحي لـو تقـرب منها تحيا لـو كانت ميتـه
بإيدي أمشط شعرها وبإيدي أحزم خصرها
وأختار إلها عطرها وعمي ما أريدن جيتـه
شـو بـك طيــري علـى الصيـدات وإنهد
وإنهد بشذر ما بيه النتف الصدر وإنهد
وإنهد كـم مسجون قبلي إنسجـن وإنهد
وإنهد وأنا بحبـك مؤبد متى تفرج علي
علي يا ويلي
.................................................. ........................
(يـا هـلــي)
يا هلـي يا هلـي إيش تلـومون عـاشق عـاشق ومحزون
مانعوا هلي وهله بالذهب ما أبدله
أنا عندي مشكلة أنا عندي مشكلة
وشلون حلها يا هلي شلون وشلون حلها يا هلي شلون
أنا من حنيـت حـنــوا أصحـابي
تجمعوا حـولي وهـزهـم عتابي
راحوا وظليت شقدروا يسوون
وشلون حلها يا هلي شلون وشلون حلها يا هلي شلون
يا أهـلـي يا طيبيـن إرحمــوا بحــالـي
يا أهـلـي ما ظنيـت يـرخـص الغــالـي
مخلص وضحيت إيش ذنبي لو حبيت
وشلون حلها يا هلي شلون وشلون حلها يا هلي شلون
.................................................. ........................
(يا عيني علينا)
يا عيني علينا ضيعنا الغرام
إيش سوى بينا حبيبي حرام
لا إحنا بقينا أحباب ولا نقدر نكون أصحاب
ولا إحنا نسينا يا عيني علينا
مسكينـه العـيــون ذبلهـا الحــزن
ودقـات القلـوب تحـن إلمن تحـن
نتعـذب ونتعـب لـو مــره إلتقينــا
نبكي عذاب الحب لـو نبكي علينا
لا إحنا بقينا أحباب ولا نقدر نكون أصحاب
ولا إحنا نسينا يا عيني علينا
محتـاره الليــالـي وزعـلان القمــر
من يسهـر بعـدنـا إحنا أهـل السهر
نحـب كـل الأغـاني ونحسبها علينا
ضيعنا الأماني ما ظل شيء بإيدينا
لا إحنا بقينا أحباب ولا نقدر نكون أصحاب
ولا إحنا نسينا يا عيني علينا
.................................................. ........................
(واحشني موت)
والله واحشني موت أخـاف بعـدك أمـوت
قـلبـي لــو مـن حديـد ذاب وإنتــه بعـيــد
لـو خسرتك حبيبي شلون أحب من جديد
ويـــن ألـقـــى وفــــــا أو أحــس بـدفــــا
ظلمه بعدك حياتي كل شيء بيها أختفـى
روحي يمـك حبيبي بإيـدك أتمنـى أمـوت
ويـن ألاقي الحنـان يعـنـي معقولـه هــان
ما خدعنــا بعضنــا الـزمــن بينـــا خـــان
وينك إنته وأجيك وأغفـى ما بيـن إيديـك
لـو شفتني حبيبي حــالـي يصعب عليــك
أخاف أبكي ودموعي بيها أغرق وأموت
ليـلي بعـدك طـويـل عالبعــد مـالي حـيــل
تـدري شـوقي اللي بيه ينتهـي مستحيــل
إيش سوى بيه هـواك قلبي يمشي وراك
يا اللي ماخـذنـي مني منهو مني خـــذاك
قلبــي يتمنى يـوصـل يمـك إنتـه ويمـوت
.................................................. ........................
(لـيــش)
لـيــش من دون البشـر حبيتك
حظي وداني إلك لو أني جيتك
إيش بإيدي حيل القلب كني أول مره أحب
قلبي ينزف وإيدي ترجف لو إيجيتك
ضيعـت بإيـدك حيــاتـي وردت بـس يمـك أكــون
لـو طلبت دمـوع عينـي لأبكـي كـل دمـع العيـون
بيه أحس كل شيء يحبك تعودت أنفاسي عطرك
إيش بإيدي حيل القلب كني أول مره أحب
قلبي ينزف وإيدي ترجف لو إيجيتك
فتحـت عيني عليـك وما شفـت غيـرك حبيـب
وإنته عينـك مو عليه شلون من حبـك أطيـق
صرت أحب حتى عيوبك لو تضيعني بدروبك
إيش بإيدي حيل القلب كني أول مره أحب
قلبي ينزف وإيدي ترجف لو إيجيتك
.................................................. ........................
(كـون يمـك)
كون يمك ألف هنيان اليوم
ألف هنيان الليله ننام يمك
أنا أحبـك وأحـب كـل حـرف بإسمـك
أنا أحس يجرن سوى دمي ويا دمك
كون يمك
كون أبوســـك كون أحضنــك
كون أشمـــــك كون أضمــــك
كون أحط راسي على صدرك
بـلـكـي خــدي يـزيــل هـمـــك
نــاري ما تطفـى ولا نــارك طـفــت
وعيني قبـلك تبكي إذا عينـك بـكـت
يا العزيز إل ما بعد عن بالي لحظة
ما أقول إنته بعـدت وشلون أظلمك
وآه لو يذكرونك قبالي
يبين بوجهي القلق لو جابوا إسمك
إنته نقطة ضعفي إنته ولو أحب ثاني أحبك
.................................................. ........................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صفاء الزيدي
مراقب عام

مراقب عام
avatar

عدد الرسائل : 231
العمر : 33
تاريخ التسجيل : 08/11/2007

مُساهمةموضوع: رد: كلمات ألبوم واحشني موت   الأربعاء 14 نوفمبر 2007, 8:53 am

مشكورgrazynoor على هذا على هذا الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات ألبوم واحشني موت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الموقع الرسمي للأسد نور صبري :: أقسام نور لروابط النجوم والمشاهير :: رابطة النجم ماجد المهندس-
انتقل الى: